Votteproduksjon……ei lita oppdatering…

Er vel påtide med ei oppdatering frå meg og 14 dagar inn i det nye året. Godt nytt år, viss ikkje det er litt i seinaste laget. Her går det stortsett i same tralten. Sjukdom og influensa gjorde me ferdig før jul, får eg håpa. Litt strikking har det vore dei siste månadane, men det tek litt tid å få det på bloggen. Så her kjem eit lite ras….

Fyrst ut er nokre vottar til to av tantejentene mine. Dei fekk vottar til bursdagane sine. Mønsteret er frå pt design nr.82, strikka i pt5 sport og pinne 3.5 mm.

<<>>

Så var det ein arbeidskollega som ynskte panneband og vottar. Desse er og henta frå pt design nr.82. Strikka i pt5 sport og pinne nr.3.5 mm.

<<>>

Så var det ei som ville ha vottar til sonen sin. Så då vart desse til. Strikka i 3 trd. frå rauma. Hugsar ikkje kva hefte dei er henta frå.

<<>>

Så kom svigermor med nokre mønstrar som eg fekk. Der i blandt desse hestevottane til Jorid Linvik. Kjempe fine var dei. Så dei vart strikka i ein fei. Dei vart litt mindre enn eg hadde trudd. Passar sikkert best til ein åtteåring.

Desse er strikka i tynn alpakka, drops alpaca og mini alpakka. Skikkeleg reste garnstrikk. Mønsteret kan du kjøpa på nett hjå Jorid Linvik.

Då var eg ferdig for i dag. Når sola snart kjem fram så lyt eg ha meg ein tur ut. Og så vert det strikking og litt rydding i huset. Ha ein fin dag…

Driftwood til meg sjølv

Då har eg strikka meg ein driftwood eg og. Denne gjekk som ein farsott for ei stund sidan her i bloggverden. No endeleg har eg strikka ein og..... Lenge etter alle andre :)
Mønste: driftwood
Pinner: 3.5 mm
Garn: cascade herritage
Storleik: passar til meg

Vottar til ei på 9...

Blogging tek tid... Vottane har lagt ferdig ei stund. Men no er dei no her. Tanteungen har valgt mønster, mora har valgt farge og tanta strikkar.
Mønster: pt design nr82
Garn: pt5 sport
Pinnar: 3 og 3.5 mm
Storleik: 10-12 år

Tylderingen badar i snø og sol.

Dagens tur gjekk nok ein gong på Tylderingen, den fjerde sidan august. Idag er det kjempe fin ver, så det mååte berre nytast før eg tek til med nattevaktshelga mi. No bygjar formen å bli betre, sjølv om eg tykte det var tungt i dag. Men likevel så bukte eg mindre tid enn sist😃 God helg til alle som kikkar innom. Ps skjønar ikkje heilt kvifor ikkje bileta kjem i den rekkefylgje som eg la dei inn i, men drit og nyt bilda likevel de. For da gjere eg...

Hjertevottar

Hjerte vottar i lilla og svart til ein tanteunge, der mora har valgt fargar og jentungen har valgt mønster og tante strikkar :) Godt samarbeid må eg sei. Desse vottane er henta frå pt design nr. 82. Eit hefte med mange vottar, huer og labbar.
Til sist eit lite bilde av dagens tur i sol.

Kjørepose til ein februarbaby:)

Med mariusboka i heimen så vart fristelsen. Eg måtte berre strikka ein kjørepose til babyen som kjem neste år. Trur den ungen vert nedlessa i ullkle frå tanta:) jaja ungen skal no ikkje frysa da d greit!
Kjøreposen er strikka i Lima frå lageret. Garnet skulle eigentleg vorte tunika til meg, men no er det vorte både ein vest og ein kjørepose av det. Godt nytta.... Eg hadde sikkert ikkje bruk for den tunikaen:) men da kjem vel sikkert nye fristelsar.

Togga det stora målet dette året......

Då var målet nådd. Og eg er kjempe stolt av meg sjølv😃 eg prøvde meg på samme turen i byrjinga av juni og då hadde eg ikkje sjans på å klare det. Men no er det gjort😄

Nøstebarnjakke med fletter

Mamma her kjem ei lita oppdatering….sidan du tykjer det vert lenge mellom kva gong……

Her har eg strikka ei jakke frå nøstebarnboka. Jakka er strikka i minste storleiken og eg har brukt silkemerino, så det er ikkje noko rusk. Denne jakka er tiltenkt ein liten gut som kjem i februar ein gong. Håpar mottakeren vert nøgd

Fine knappar med ekorn, kjem frå lageret. Hadde akuratt nok, som regel pleier det å vere ein forlite…men denne gongen var det nok.

Tilslutt eit lite bilete frå turen eg hadde sist veke. Då eg var med nokre strikkedamer frå arbeid på tur. Dette er i frå saltgruvene.

Hausttur til Tylderingen

No er det ei stund sidan eg har vore til fjells. Ikkje fordi eg har slutta å gå, men fordi veret har ikkje vore noko særleg. Men i dag skein det opp og det var berre å koma seg avgarde. Så her kjem nokre biler frå turen.
Og mamma her e ei lita oppdatering.

Tjukkelabbar er godt å ha

Sjølv om det har vorte ein del turgåing i da sista så har eg fått strikka 2 par labbar.
No dei siste dagane har veret vore veldig skiftandes. Sol regn og vind om kvarandre. I gårkveld trur eg mini isak var her:) i dag har eg ikkje vore utom ei dør, men lyte ut snart på arbeid:) dagen har eg berre sopa vekk i ingenting, litt godt da og.