Har strikka nokre babyluer, innimellom andre litt større prosjekt. Som endå ikkje er ferdige. Kjekt med litt småstrikk, som vert fort ferdig, men ikkje så fort fotografert og blogga.
Garn: Alpakka frå Drops
Pinner: 2.5 og 3 mm.
Mønster: Diverse oppskrifter.
Storleik: ca 6 mnd
Vart ein liten tur att i dag. Fekk og med meg gutungane. Ikkje lika blide heile vegen, men stortsett bra.
Som seg hør og bør så måtte ein skriva navnet sitt i turboka. Viktig å dokumentera at me har vore der.
Her går Widerø inn for landing på Hukåsen
Me måtte litt ut på kanten for å sjå ned til Gaupne. Så her ser de Gaupne i bakgrunnen.
Her står turvenninda mi Helga, på kanten. Og i bakgrunnen ser de Urnes. Det vetle neset nede i fjorden.
Innover Lustra fjorden, langt der inne ligg Skjolden. Utover så svingar fjorden forbi Urnes.
Ha ei fin veke alle saman som kikkar innom her.
Eit lite par med tjukkelabbar. Kjekt å ha no når hausten er her og det nærmar seg vinter. Desse vert ein del av ei julegåve. Det er ikkje ofte eg strikkar labbar, for eg tykjer det er så kjedeleg. Men innimellom gjer eg det og spesielt til slike som ikkje har nokon som strikkar til seg.
Mønster: etter hovudet.
Garn: Fabel
Storleik: 38 ?
No har eg strikka min tredje gråtassgensar. Denne gong til ei jente. Desse skal sendast til Os utan for Bergen. Ungane til mine to søskenbarn der, skal ha desse. Håpar at dei passar. Den i rosa er strikka no, medan den blå vart strikka for 2 –3 år sidan og har vore brukt av ein tantegut. No var den for liten så då får ein annan gut bruke den.
Mønster: Gråtass frå Sandnes
Garn: Falk
Pinner: 2,5 og 3,5 mm.
Storleik: 4 år.
I dag har eg hatt meg ein liten køyretur. Målet var Skogstad i Innvik, men sidan eg ikkje fekk tak i jakke til eldste guten der så vart det ein liten svipptur til Olden og. Der fekk eg tak i jakke til han, så då var og turen inn tjent att. Greit når ein rett og slett sparar ein del peng på å reise å kjøpe klede der. Litt til full pris vart det og. Så no er ein del av julepakkane komt i hus…..og godt er det.
Her ser ein Selseng og litt av dalavatnet. Og då er det ikkje langt heim att.
No har eg foretatt ei høgtidleg trekking av give awayen min.
Bentes Hobbyrom vart vinnaren av ei hespe med wollmeise garn.
MayM smykkeblogg får ein liten trøystepremie.
Takk til alle som har vore innom og lagt att ein liten kommentar, betre lukke neste gong.
Til vinnarane: send meg adressene dekans.
Ha ei fin helg i regnet.
Nytt sjal er tatt av pinnane. Denne gongen er det ein variant av rillestrikk og havskum mønster. Her måtte det takast bilde med ein gong, så det er ikkje blokka. Likar godt desse fargane.
Mønster: mitt eige
Garn: 100 gr mini palett frå Sandnes
Pinner: 3.5 mm.
Hugs i morgon trekker er vinnarar av Give Awayen min.
Eg har strikka eit lite sokka par atte. Brukt same oppskrift som tidlegare.
Mønster: Rauma baby hefte nr ?
Garn: Sisu frå Sandnes
Pinner: 3 mm.
Storleik: 1,5 år?
Desse sokkane er strikka etter same storleiken, det minsta er strikka i babyull og pinne 2,5 og det størsta er strikka i sisu og pinne3.
Sjå denne fine rosa. Rosa er den ikkje slik det ser ut på bilde, men den er lilla og heiter Lilla Wonder. Den luktar kjempe godt.
I dag har eg hatt besøk att av Bea atte. Kjempe kjekt med strikkebesøk og me har strikka og prata masse. Takk for besøket.
Midt i bildet langt der borte ligg Farmen, hugsar ikkje kva år det var Farmen der. Neste gong eg tek meg ein liten tur så vert det å gå til Farmen.
Måtte ta eit lite bilde av meg sjølv før alle bakkane og svingane tok heilt knekken på meg.
Må sei at vegen var bratt og svingete, såg aldri slutten. Siste metrane til toppen då hadde eg store problem, men slik er det vel når ein har ein kondis lik 0. Ein ting er å gå opp, men tenk kor tungt det er å gå ned att dei bratte bakkane.
Målet vart nådd, antennetårnet på Storehogen. 2 t og 40 m bukte eg opp. Ned att brukte eg 1t 15m. No delvis ligg eg på sofan og syns eg har vore flink, men gud kor ilt eg har i beina. Vert nok ei stund før det vert slike heisaturar. Kunne nok ha gått ein litt kortare og lettare tur. Men slik er det når ein trur at ein er sprekare enn ein e.
Hugs give awayen min i innlegget under.
Oj no hadde teljaren min runda 10 000 besøkande. Og i den samanheng hadde eg tenkt å gi bort noko wollmeise garn. Om det vert ein eller to premiar det har eg ikkje teke stilling til.
Reglane er slik dei er i andre give aways 1 lodd dersom du legg inn ein kommentar, 2 lodd dersom du vert følgar og, og 3 lodd dersom du linkar meg i bloggen din.
Ha ei fin helg allesaman og kos deko. Eg har nattevakter heile helga så det går i soving og jobbing.
