Bella mittens....

Har vorte strikka ein del bella vottar i det siste. Trur det er 4 par. Alle er strikka i alfa frå sandnes garn og pinne nr 5mm. Raske å strikka, men ein må halde orden på mønster omgangane.

Dei grøne er strikka tidlegare, og er strikka i cascade eco, trur eg. Dei sndre i alfa.

Her har det snøa i heile dag.... Og eg kosar meg inne.

50.000 trekking…..

Då var trekkinga gjort. Tusen takk til deko som var med.

Og vinnaren av wollmeise vart Hege

Vinnaren av malabrigo lace vart Ingunn

Og til vinnarene, send meg ein epost med adressa dekans til linda.kollsete@hotmail.com

Projo vottealong….ei lita oppdatering.

August vottane

En revant de Provence, strikka i diverse restar av Rauma finull og pt2. Kjekke vottar å strikka og ein får brukt opp litt restar.

 

September vottane.

Anemoi mittens, strikka i drops alpaca. Desse skal eg strikke fleire av, men då med fargar som gjev litt større kontrastar og passe på å ikkje stramme på oppleggskanten/fyrste omgangane.

 

Oktober vottane.

Freja, er strikka i Rauma gammelserie. Dette mønsteret var eg ikkje så begeistra for til å begynne med. Likte best innsida på votten. Men etter at dei var ferdigstrikka, så likar eg mønsteret meir og meir.

 

November vottane.

Tiddelibom, er strikka i Rauma finull og pt2. Desse var kjempe kjekke å strikka. Fine å bruke restegarnet på. Og med mykje pt2 og finull i restegarnet så kan det bli fleire slike.

No har eg berre eit par att på denne alongen og det er desembervottane. Mønsteret på dei kjem 1 desember. Eg er klar!

Det har vorte strikka ein del andre vottar og….

50.000 besøk......og give away

Runda 50.000 besøk for ei veke sidan.... Kjekt at bloggen har vore besøkt...... Sjølv om eg er blitt tregare og tregare med blogginga. Ja ja sidan eg då runda 50.000 så hadde eg planlagt gåver til to tilfeldige som legg att ein kommentar.

Mariusgenser i kaunigarn.

Har strikka meg ein tynn ullgensar til å ha utan på ulltrøya, når det vert litt kaldare. Fin å ha under skalljakka og. 

Skulle bruka to nøster med kauni, og trudde det vart for lite.... Difor vart det mariusmønster på den. Eigentleg vart eg ganske fornøgd med den. Fin til tur bruk.

Mønster: marius med rund sal.

Pinner: 3 og 3.5 mm.

Garn: kauni farge w-ez.

Nesten på Bolsetnipa

Ligg her i senga og høyrer på regnet og drøymer om å koma meg på toppen av Bolsetnipa...

Laurdag var det bra ver, så eg sette meg i bilen og køyrde til Skei. Der møtte eg to andre damer. Målet for dagen var Bolsetnipa på 1238 moh. Me køyrde eit stykke opp over Fossheimsdalen. Der tok me beina fatt.... Rim og frost på bakkane gjorde at steinane vart glatte. Men samtidig var det ikkje så blautt i myra. 

Me traska opp over og opp over..... Rim gjekk over i snø til lenger opp me kom. Var ikkje mykje å sjå då me starta å gå, men eit stykke oppi bakkane såg me denne utsikta. Utruleg flott.

Men til lenger opp me kom, til meir snø vart det. Noko som ikkje er ideelt for små hundar med masse pels. Vetle Tassen såg tilslutt ut som ein liten snøball. Og til slutt streika han. Han gjekk ikkje ein meter høgare.... Me kom oss på Grepstadnibba og hadde eigentleg berre flate vegen bort på Bolsetnipa. Men når hunden nekta å gå lenger så var det berre å snu. 

Det var seigt å snu så nærme toppen. Spesielt sidan det ikkje var meg det sto på😉 Men me hadde ein utruleg flott utsikt likevel.

Tassen gjekk noko lettare ned att...snøklumpane var smelta då me var komt ned att til bilen. Sliten og trøytte, men neste gong skal eg på toppen.

Nytt Seraphim sjal.....

Då har eg endeleg fått vaska og blokka det nya sjalet mitt. Det andre i dette garnet og mønster. Så no har eg to like sjal men i to forskjellige lilla fargar.

Mønsteret er Seraphim shawl av Miriam L. Felton. Fint og enkelt mønster. 

Garnet er nok ein gong Malabrigo Lace i fargen 68 Violetas. 

Sjalet vert stort og lett når det er blokka, men tovar seg litt i bruk. Det gjer ingen ting då sjalet er så stort og tynt. 

Dette sjalet vert nok brukt til alle årstider slik som det andre. Like godt på ein kjølig sommarkveld som ein kald vinter dag.

Ha ei flott haustveke. Her skin sola i dag....

Kollsetevatnet....

Denne sommaren har eg mange turar til Kollsetevatnet. Ein fin og grei tur opp over med fin sti og litt myr. Ein times tid frå tunet. Det er fint å bu 425 moh, ein har ikkje så langt att før ein er komen på fjellet:) Her kjem nokre bilder frå Kollsetevatnet.

Mini Marius....

Heisann folkens!

Lenge mellom kvar gong me sjåast... 

No har eg strikka den minste mariussen nokon gong. 3 mnd er ikkje stort. Fort gjort strikk og kjekt å hjelpe ei som ikkje strikkar sjølv. 

Eggje ca 1100 moh.

Sidan eg ikkje hadde gått nok på fredagen, så tok eg ein tur på søndagen og. Då gjekk starten frå Reisæter og opp lie til Eggje. Målet ligg heilt på toppen til høgre i bildet, mellom grantrea.

Langt og bratt er det som beskriv denne stien/turen.

Stien vert restaurert av sherparar. Så det var reine motorveien å gå på der dei hadde lagt stein. Ikkje vanskeleg å gå feil her. Mamma og tanteungen Elin Karin vart og med på tur. Dei snudde etter å ha gått halve turen.

Ein fin tur om ein ikkje går heilt på toppen og. Flott utsikt.

Her er eg komen opp på nederste kvilingehaug. noko som seier at ein kan kvila litt   Stien flata i allefall ut.

Sherparane har gjort eit flott arbeid med stien. Den delen som er ferdig.

Med litt soom på kameraet så kan ein sjå heilt ned att til Reisæter. Då eg var komt nesten opp såg eg dette merket på ein stein, pilgrimsmerket. Trur dette er ein del av pilgrimstien mellom Røldal og Bergen.

Fint med sjølvutløysar på kameraet når ein er på tur aleina. Toppen er nådd og ein har flott utsikt over Sørfjorden.

Her ser ein Revavatnet. Mange år sidan eg såg det sist, sikkert over 30 år. Då gjekk eg opp her med pappa, trur eg var 7 år. Men me fortsette over fjellet og ned til Bottsvatnet i Krossdalen på Jondalsida.

Det er vorte ettermiddag og eg er på veg ned att. Dette er den slakkaste delen av turen, nederste kvilingehaug.

Sola gjekk ned i lag med meg

Oksen 1241 moh.

På fredag sette eg meg i bilen og køyrde til hardanger, nærmare bestemt Tjoflot. Målet for dagen var Oksen 1241 moh. Fyrste del av turen gjekk på ein gammal traktorveg før stien gjekk over på barnåler i ein granskog. Bratt og tungt til tider. Til eg kom opp på stølen Vindhovden. Der kom eg over tregrensa og eg såg fjorarmar i alle retningar.

Frå stølen gjekk eg på fin sti i jamn stigning. Heilt til det gjekk omtrent rett opp. Bratt som berre det, men opp skulle eg, samma kor tungt det var.

Utruleg kor annleis ting ser ut når ein kjem opp i høgda. Midt i bildet ligg Utne, til venstre går Sørfjorden heilt inn til Odda og til høgre er samlafjorden.

Endeleg på toppen.  Sørfjorden i bakgrunnen.

På toppen ser ein og ned til Hardangerbrua. Då eg skulle ta bilde av den opp daga eg ein liten flokk reinsdyr. Trur aldri eg har vore så nærme reinsdyr før.

Inn over her går Sørfjorden….hadde det vore heilt klart, hadde eg sett heilt inn til Odda.

Her har eg starta ned turen att og er i det brattaste……uren luren himmelturen, steinrøys, steinrøys, svelt i hel….. Langt der nede ligg Kvandal.

Oppe på den toppen midt på begge bildene var eg….. Langt og bratt.. Men ein fin tur heilt aleina. Hunden måtte vera heima i sogn denne gongen. Då han halta litt. I går halta han endå meir, så me tok eit besøk hjå dyrlegen. Viste seg at han hadde fått betennelse etter 2 svære flått. Flått er skikkeleg ekle dyr. I dag er han betre, men må gå på pencilin i 10 dagar.