Flatbrehytta 994 moh.

I dag gjekk turen til Flatbrehytta i Fjærland. Eg har gått turar på 3.5 timar på det meste, men då har eg enda heima att. Men denne gongen skulle eg gå så mange timar berre ein veg. Det står 2.5 til 3 timar opp i opptur boka. Eg brukte nesten 4 timar. Ned att brukte eg 2 timar, nett slik som det stod i boka at eg skulle bruka.

Turen startar på 23 moh og endar på 994 moh. Så det seier seg sjølv at det berre er opp over bakkar. Nokre tyngre enn andre. Store delar av turen går inni dalen og i skog. Ein skal ganske høgt opp før ein får litt meir å sjå.

Langt der nede ser ein Fjærland.

Gjett om eg var glad då eg såg denne hytta. For eg trudde eg skulle endå lenger opp, men tilfeldigvis snudde eg meg til venstre og såg hytta. Trur det er lengesidan eg har vorte så glad for å sjå målet.

Flott utsikt.

Kjekt med sjølvutløysar på fotoapparatet, når ein er aleina på tur. Denne gongen og utan hunden. Han var nok ikkje blid på meg, då eg tok på meg turkle og ikkje fekk vera med. I dag har han kneka på meg heile dagen, sikkert redd for at eg skal gå nokon stad utan han Men i dag har eg ikkje tenkt meg så lang. Litt små stiv i beina og ei nattevakthelg som startar om ein time.

På veg ned att, ein liten pause for å kvila slitne bein. Ein flott tur som kan gåast fleire gongar. kanskje eg då må ta med meg nokon

Projo vottealong 2013 juni og juli.

Då var eg endeleg ajour i vottealongen til projo, det er så seigt å ligge etter. Noko som fort kan skje på denne tida av året då det ikkje vert så mykje strikking som ellers.

Dette er juni vottane, det eine alternativet i allefall. Florisse mittens av Bitta Mikkelborg. Dette er ei dame som lagar mange fine vottar, og som no har laga si eiga sokkebok som kan kjøpast på bokhandelen til hausten. Stå på Bitta. Desse vottane er strikka i Hverdags frå DSA. Gode og mjuke vottar.

Her er juli vottane eller pulsvottar. Dette er Ei hand å holde i av Randi Kiester, også ei dame som lagar mange fine mønster. Desse er strikka i cascade finering, som er eit nytt garnmøte for meg. Men det var eit godt møte. Mjuk og god, rein ull.

No er det berre å vente til neste mønster kjem 1 august.

Kajakk tur på Barsnesfjorden.

Endeleg vart det kajaktur på Hallvard. Melde oss på i går kveld hjå Sogndal Lodge, så i dag har me kost oss på sjøen. Dette har Hallvard drøymt om sidan i fjor sommar…

Padla inn Barsnesfjorden og gjekk i land på Stora øyni. Der gav me geitene brød. Nokre geiter kunne ikkje få nok, så hadde dei fått tak i posen hadde dei ete den Etter på var det piknik med kjeks med brungeitost, kvit geitost med sognamår og eplejuice frå solvorn.

Så var det berre å koma seg i kajakken att og padle tilbake til Sogndal.

Me hadde ein fin tur med guiden Tom frå Sogndal Lodge, dette er ein tur som kan anbefalast. Meld deko på!

Annes blomst.

Her går det vist i vottastrikking midt på sommaren. Det går litt tregare enn på vinterstid, men no er dei endeleg ferdig med mai vottane. Likevel ligg eg etter i Projo sin vottealong, då eg ikkje har starta på junivottane og det straks er juli med nytt mønster.

Greit å vere med på slike alongar. Ein får litt press på vottestrikkinga, noko som kan resultera i vottar til jul. Og ein strikkar mønster som ein kanskje ikkje hadde kome på ellers.

Mønster: Annes blomst av Wenche Roald.

Garn: Gammelserie frå Rauma.

Pinnar: 2.5 mm.

Togga 1205 moh. ein liten tur på kvelden.

Høgt der oppe ligg målet Togga 1205 moh. Bratt som berre det. Men opp skal eg same kor tung det er…..Har eg bestemt meg så, skal eg opp.

Fyrste del av turen går inni skogen og det er ikkje så mykje å sjå enn skog. Og nokre sauer som er litt forvetne på kven som kjem kavande opp stien Men når ein er komen halvegs så er ein over tregrensa, og landskapetet openberar seg. Ein kan sjå toppane i Jotunheimen. Denne bjørka markerar halvegen, sånn ca.

Det er framleis ein del snå att i fjellet og eg måtte kryssa 2-3 fenner og så gjekk eg rundt nokre.

Endeleg på toppen etter å ha pusta og pesa meg opp bakkane. Kl.19.30 på kvelden. Godt det er “lyst heile natta”   I fjor haus då eg var oppe såg eg ingenting, då det var snøver og skodde. Denne gongen såg eg alt, laugadalen frudalen, anestølsvatnet og sikkert mykje meir som eg ikkje veit kva heiter. Iallefall for ein utsikt. Bør opplevast.

Frudalstunnelen til venste og Anestølsvatnet til høgre.

Me er jammen heldige som har ein slik natur å gå i her i Noreg. Men denne turen i dag hadde nok ikkje vore gått hadde det ikkje vore for compeed og sportstape. Sidan eg fekk gnagsår på søndag. Gnagsåret er vorte litt større, men kva gjer vel det……eg kom meg på toppen.