Kragejakka frå Nøstebarn.

Då var kragejakka ferdig strikka, vaska, tørka og blogga. Fekk brukt den nye vaskemaskina mi sitt håndvaskprogram og det fungerte heilt fint. Denne jakka har vore med meg litt rundt om kring i sommar, sidan det er berre enkel glattstrikk. Tankelaust strikk….som er kjekt å ha mellom strikketøy som treng tenking.

Mønster: Kragejakka frå Nøstebarn

Garn: New Zeeland lammeull.

Pinner: 3,5 mm og 4,5 mm.

Storleik: Passar meg heilt fint.

Ein sommardag i august, sit tantungen og funderer på livet eller noko i den dur. Siste dagen det var sol, for no er regnet kome att….som eigentleg passar meg fint sidan eg skal ha nattevaktshelg….egoist som eg er

Ha ei fin helg alle saman som er innom…..

Bading pågår….

Me kosar oss på Fimreite i campingvogna. Ungane bada og sjølv om sola vart borte, og ikkje kom att. Men det gjorde regnet…..Svaberg er glatt, så mora holdt på å få seg eit ufrivillig bad

Etter ei natt i vogna så kjem ein heim til dette blomsterfloret, det skal ikkje mykje sol til før rosene sprett ut i full flor.

Bildet under er av klatre rosa mi som eg planta i fjor. I år er det ei grein som veks opp over og endar i eit hav av knoppar. Så lurer eg på kjem den til å kome med fleire greiner til neste år eller stryk den med i vinter? I fjor då eg planta den hadde den mange greiner, men i år er det berre ei som veks.

I morgon er det tidlegvakt med ei påfygjande nattevaktshelg…..så eg håpar på masse strikking

Samstrikk sjal del 2

Del 2 av samstrikket er ferdig. Har no vore ferdig ei stund, men det tek tid å blogge for tida. Det har vore mykje jobbing og når det har vore fint ver så har eg vore ute heile dagane, og då vert det lite blogging. Håpar å koma sterkare tilbake…

 

Har hatt ein liten foto runde i hagen i kveld. No blomstrar både vannlilja og nokre av rosene mine. Denne buskrosa luktar kjempe godt.

Til deko som framleis har ferie…kos dykk Eg kosar meg sjølv om eg har byrja jobba att.

Tunge tankar

Ein fridag etter arbeidshelg og før fira tidlegvakter, har vorte brukt til ingenting. Sov litt lenge, og konstatert at det framleis regnar…..og har då resten av dagen strikka og strikka. No er eg faktisk litt lei det og. Ikkje gidd eg kle godt på meg for å gå ut heller….men har vore ute og gjett hønene mat.

Er tung i hovudet etter alt det triste som har rulla på tvskjermen sidan fredag. UFATTELEG trist og at det går an. Minste guten på 9 har tatt dette tungt. Ikkje det at han kjenner nokon som er råka av dette. Likar ikkje at me set på verken radio eller tv. Det er nesten umulig å ikkje få det med seg. Går nesten ikkje an å skifte kanal heller, for det er det same triste på alle kanalar. Stakkars ungar som får alt dette med seg…og som har mange spørsmål…..som ikkje det alltid er like lett å svare på. Alt det som har skjedd er tragisk, men må det gå på ALLE kanalar heile døgnet? Kan ikkje ungane og dei gamle få fri???

Kos i Tromsø

Telefonhus.

I kveld kom plutseleg sylysta att. Ute regnar det apekattar og eg var lei av å strikka, for det hadde eg gjort heile dagen. Så i staden for å sitje med hendene i fanget, så gjekk eg opp på syrommet og sydde desse 2 telefonhusa Eigentleg kunne eg ha støvsugd litt, men drit og, det kan eg gjera i morgon

Framgangs måten er Vanella sin, men eg har utvikla den litt. Etter inspirasjon frå fotoveska mi.

No er ferien min ferdig for denne gong. Tirsdag er det påan igjen…….ikkje mykje fint ver eg har hatt desse 4 vekene…..

Samstrikk sjal

Då har eg endeleg starta på del 1 i sjalsamstrikket. Ferdig er den og på ei lita kveldstund Garnet har eg funne i lageret mitt, som snart byrjar likne ein liten garnbutikk

Garnet er frå Saffrondyeworks, Odara farge Autumn Sky 50% merino og 50% silke. Heilt herleg å ta i….

Kose dagar i Bergen.

Denne veka har me hatt nokre fine dagar i Bergen. Der me fylgde hurtigbåten frå Sogndal til Bergen og heim att etter to netter i bydn. Her er litt bilder frå turen til akvariet. Mange fine pingvinar fekk me sjå.

Vetle systra kosar seg i strandsona Og så fekk me sjå haiane i haitunellen. Sjølv om dei var noko små, tykte eg. Små nemofiskar var det og ilag med haiane.

Steinbiten er ikkje noko flott fisk, om han så smakar godt i fylgje fagfolk.

Ikkje lett å få begge gutane med på same bilde, lite samarbeidsvillige kan ein sei. Så då får me ha dei på kvarsine bilder.

Mari og Hallvard klappar på krokodillen. Heldigvis var den i plastikk og ikkje ekte slik som den til høgre som er 4 meter lang og over 300 kg. Denne ville ikkje eg ha møtt, når eg var på bading.

Tilbake turen frå akvariet tok me gjennom brusteinsbelagte smale gater. Kosleg og verdt turen.

 

Litt strikking vart det på veg og på Svalbard.

Etter 6 dagar på reising, har sjalet vakse so mykje. Vart strikka ein del på flyreisa, og på dei to 8 turars båtturane me hadde til Pyramiden og Barensburg. Heldigvis valde eg ei sjal med mykje glattstrikk fyrst, for då får eg med med meg litt anna medan eg strikkar. Når eg er kome til mønsteret så må eg konsentrera meg om det

På vegen heim att så hadde me ei natt i Tromsø. Og der hadde dei ein fin garnbutikk som heiter Snarby Strikkestudio, og gjett om eg måtte inn der. Masse fint garn hadde dei, så eg kjøpte med meg 3 hesper Cashmere Lace 1 Drops Lace og 1 Noro Kureon Sock Yarn. Gudane må vete kva eg skal strikke, for eg veit det ikkje. Men kjekt å ha er det no. Flott garnbutikk, med stort utvalg.

I dag har me hatt sol heilt til no i kveld. Då kom regnet att.

No har eg ikkje mykje att av ferien min, berre ei veke. Fint å ha hatt ferie, men veret har ikkje vore med meg i det heile. Håpar de har hatt betre ver enn meg.