Små fine babysokkar.

Inni mellom sjal og anna storstrikk eg har hatt i sommar så har eg strikka to par med babysokkar. Kjekt med noko som vert litt fortare ferdig. Og så er det så kjekt å gje vekk til små babyføter…

Mønster: eit rauma baby hefte nr ?

Garn: Bambino babyull frå lageret.

Pinner: 2.5 mm.

Storleik: 6 – 12 mn.

Blomstringa byrjar avta noko no, men på rosene så er det mange knoppar. Litt varme og sol så blomstrar dei nok. Liljene mine dei er eg stolte av. Dei er så store og fine, og kjem att år etter år.

Tilslutt eit lite bilde av dammen. Berre litt så ferdigstilling så er den heilt ferdig. Vart passleg stor og djup. Godt fornøgd er eg , når eg sit ute og ser på fiskane

Babyteppe i regnbogefargar.

Fekk forespørsel frå ei på arbeid ein kveld om eg hadde eit teppe liggande. Hadde berre eit i rosa og grønt, så det passa ikkje til noko gut. Så då var det berre til å strikke eit som kunne passa. Kauni i regnbogefargar passar både til gut og jente. Eit slik hadde og denne dama kjøpt før ein gong. Litt over ei veke tok det meg, med litt hjelp av nokre nattevakter.

Detta teppet er så fargerikt og flott, ein vert nesten glad av å sjå på det. Kanskje eg skulle ha strikka eit til meg sjølv og hatt i sofan

Mønster: frå Nøstebarn boka.

Garn: Kauni farge EQ

Pinner: 4.5 mm

Storleik: ca 1m X1m.

Her leika det fisk nedi havet, og den leiken den ville han sjå…..

Her i heimen har me litt tunge dagar…..svigerfar døydde så alt for ung 67 år. Etter mange år med dårleg hjarte….Hallvard sa det så godt,”bestefar har vore sjuk så lenge eg har levd”. Hallvard er i dag 9,5 år…

Plassert bloggen min på kartet

Jeg har plassert min blogg i <a href="http://bloggurat.net/kart/registrere/10416/sogndalsfjoera">Sogndalsfjøra</a> på <a href="http://bloggurat.net/kart/">norske bloggkart</a>!

Seraphim sjal....til meg sjølv.

Hugsar de 300 gr med Wollmeise lace? 157 gr av dette har vorte til Seraphim sjal. Trur nesten at eg har nok til eit til. Dette sjalet kjem ikkje til å reise ut av huset uten at eg har det på meg. Dette er eit sjal som har vore med meg til Svalbard og besøkt stader som Longyearbyen, Pyramiden og Barentsburg. Eit minne for livet.
Dette sjalet ska brukast i spesielle anledningar, så systre og vener som ikkje er gifte. Gift dykk!!!

Garn: 157 gr Wollmeise Lace
Mønster: Seraphim Shawl av Miriam L. Felton
Pinner: 4 elle 4,5 mm ikkje heilt sikker.

Summer Mystery Shawlette

Ting tek tid, men endeleg er sjalet vaska og blokka. Fotografert i alle vinklar…..Må berre få sei at no blomstrar det som berre da i hagen min. Den store rosa på bildet under har ikkje herdighet til å overleve her eg bur ein gong, gjett om eg er stolt.

Garn: Odara, farge Autumn Sky, 50% merino og 50% silke. Saffrondyeworks

Mønster: Summer Mystery Shawlett av Wendy D. Johnson

Pinner: 4,5 mm.

Dette sjalet har vore eit samstikkprosjekt på Projo, denne sommaren.Eit enkelt og lite sjal. Kunne godt ha vore litt større.

Litt trøytt i trynet etter å ha vore på ei travel nattevakt og ikkje sove meir enn 5 timar. Viss eg ikkje får sova meir kjem det til å å bli ei pyton nattevaksthelg…..For de som ikkje skal sova på dagtid, ha ei fin helg.

NM på Byrkjelo

Her er gjengen samla når me ser på 1500 menn, der søskenbarnet mitt spring. Han kom på 4 plass i sitt heat. Og skal springa finalen i morgon. Då han var ferdig så tok me ein liten tur til Innvik og Skogstad…..vart litt klekjøp der .

Så er me på plass att og ventar på 800 m kvinner. Der skal neste søskenbarn springa….

Denne jenta ser berre konkurentane ryggen på

Det vart ein 800 m i einsom majestet. Flink jente.

Ingvill Måkestad Bovim ein flott vinnar!

Kragejakka frå Nøstebarn.

Då var kragejakka ferdig strikka, vaska, tørka og blogga. Fekk brukt den nye vaskemaskina mi sitt håndvaskprogram og det fungerte heilt fint. Denne jakka har vore med meg litt rundt om kring i sommar, sidan det er berre enkel glattstrikk. Tankelaust strikk….som er kjekt å ha mellom strikketøy som treng tenking.

Mønster: Kragejakka frå Nøstebarn

Garn: New Zeeland lammeull.

Pinner: 3,5 mm og 4,5 mm.

Storleik: Passar meg heilt fint.

Ein sommardag i august, sit tantungen og funderer på livet eller noko i den dur. Siste dagen det var sol, for no er regnet kome att….som eigentleg passar meg fint sidan eg skal ha nattevaktshelg….egoist som eg er

Ha ei fin helg alle saman som er innom…..

Bading pågår….

Me kosar oss på Fimreite i campingvogna. Ungane bada og sjølv om sola vart borte, og ikkje kom att. Men det gjorde regnet…..Svaberg er glatt, så mora holdt på å få seg eit ufrivillig bad

Etter ei natt i vogna så kjem ein heim til dette blomsterfloret, det skal ikkje mykje sol til før rosene sprett ut i full flor.

Bildet under er av klatre rosa mi som eg planta i fjor. I år er det ei grein som veks opp over og endar i eit hav av knoppar. Så lurer eg på kjem den til å kome med fleire greiner til neste år eller stryk den med i vinter? I fjor då eg planta den hadde den mange greiner, men i år er det berre ei som veks.

I morgon er det tidlegvakt med ei påfygjande nattevaktshelg…..så eg håpar på masse strikking