Kajakk tur på Barsnesfjorden.

Endeleg vart det kajaktur på Hallvard. Melde oss på i går kveld hjå Sogndal Lodge, så i dag har me kost oss på sjøen. Dette har Hallvard drøymt om sidan i fjor sommar…

Padla inn Barsnesfjorden og gjekk i land på Stora øyni. Der gav me geitene brød. Nokre geiter kunne ikkje få nok, så hadde dei fått tak i posen hadde dei ete den Etter på var det piknik med kjeks med brungeitost, kvit geitost med sognamår og eplejuice frå solvorn.

Så var det berre å koma seg i kajakken att og padle tilbake til Sogndal.

Me hadde ein fin tur med guiden Tom frå Sogndal Lodge, dette er ein tur som kan anbefalast. Meld deko på!

Annes blomst.

Her går det vist i vottastrikking midt på sommaren. Det går litt tregare enn på vinterstid, men no er dei endeleg ferdig med mai vottane. Likevel ligg eg etter i Projo sin vottealong, då eg ikkje har starta på junivottane og det straks er juli med nytt mønster.

Greit å vere med på slike alongar. Ein får litt press på vottestrikkinga, noko som kan resultera i vottar til jul. Og ein strikkar mønster som ein kanskje ikkje hadde kome på ellers.

Mønster: Annes blomst av Wenche Roald.

Garn: Gammelserie frå Rauma.

Pinnar: 2.5 mm.

Togga 1205 moh. ein liten tur på kvelden.

Høgt der oppe ligg målet Togga 1205 moh. Bratt som berre det. Men opp skal eg same kor tung det er…..Har eg bestemt meg så, skal eg opp.

Fyrste del av turen går inni skogen og det er ikkje så mykje å sjå enn skog. Og nokre sauer som er litt forvetne på kven som kjem kavande opp stien Men når ein er komen halvegs så er ein over tregrensa, og landskapetet openberar seg. Ein kan sjå toppane i Jotunheimen. Denne bjørka markerar halvegen, sånn ca.

Det er framleis ein del snå att i fjellet og eg måtte kryssa 2-3 fenner og så gjekk eg rundt nokre.

Endeleg på toppen etter å ha pusta og pesa meg opp bakkane. Kl.19.30 på kvelden. Godt det er “lyst heile natta”   I fjor haus då eg var oppe såg eg ingenting, då det var snøver og skodde. Denne gongen såg eg alt, laugadalen frudalen, anestølsvatnet og sikkert mykje meir som eg ikkje veit kva heiter. Iallefall for ein utsikt. Bør opplevast.

Frudalstunnelen til venste og Anestølsvatnet til høgre.

Me er jammen heldige som har ein slik natur å gå i her i Noreg. Men denne turen i dag hadde nok ikkje vore gått hadde det ikkje vore for compeed og sportstape. Sidan eg fekk gnagsår på søndag. Gnagsåret er vorte litt større, men kva gjer vel det……eg kom meg på toppen.

Ei sommarnatt på Jarbruene…

Eg og Hallvard tok ein rask bestemmelse, hytta var ledig og så var me klar for ein natt i fjellet. Med tunge sekkar luska me oss opp bakkane. Litt tyngre å gå til fjells med tung sekk, mot ein liten tur sekk. Men me kom oss no opp. Og koste oss gjorde me. Sol til langt på kveld.

Strikketøy er eit must. Sidan det går litt tregt med vottane til projovotte alongen, så var det desse som fekk vera med. Så no er straks eine votten ferdig……og eg trur den andre snart ferdig og..

Mer heldige som kan låna denne hytta når den måtte vera ledig.

Då sola var gått med, vart himmelen berre heilt fantastisk.

Nåken so vil vera med ein gong, det er berre å sei i frå.

Etter ei veka i Portugal er det godt å ta turen til fjells…..

Me har hatt ei flott veke i Portugal. Leigde eit hus med badebaseng litt utanfor Ohlao. Stille og fredleg rundt oss. Kan anbefalast på da sterkaste.

Herleg med eige badebaseng, ein kan bada dagen lang i.

Ein liten køyretur frå huset ligg Zoomarine. Ein fin liten park, med mykje spennande. Her var me på delfinshow. Utruleg kva ein kan få delfinane til å gjera.

Sevilla var berre nokre timar unna, så det vart ein liten tur dit og. Flott by, det vetla me såg.

På turen tilbake frå Sevilla, stoppa me ved Praia Verde, finaste stranda i Portugal. Der var det så mykje vind, at me hadde heile stranda for oss sjølv.

Dette er frå stranda ikkje langt frå der me budde. Og så eit bilde frå dei flotte blomste trea me hadde ved huset. Tenk å hatt slike heima…..

Så til overskrifta…..fint å vera på tur, men jammen er det godt å koma heim att og kunna ta turen til fjells. Fyrst var eg og Hallvard ein tur på Kollsetevatnet å fiska. Ingen fisk, sjølv om den hoppa rundt oss.

Og så hadde eg meg ein lengre tur aleina, før regnet kom. Sogndalsdalen og dalavatnet på sitt besta. Kan ein ha da finare

Borte bra, men heima best!