Litt snø oppdatering….

 

Ei lita oppdatering om snøen. I dag har eg vore ute å flytta på snøen i 2 timar. Måtte ta vekk snøen oppå pergolaen min, før den knekk i saman. Og det var jammen på tide, for den var byrja gje etter midt i ein stor kvist i treverket. Oppå var det sikkert mellom 60 og 70 cm snø.

 

For å kome meg bort til pergolaen så måtte eg forsere nokre meter med snø. Det er ikkje mange metrane frå altanen til pergolaen, men jammen var det tungt å kome seg bort der. Stod midt uti snøen til langt oppå magen. Greit nok eg er ikkje meir enn 156 cm høg, men likevel så er det meir enn nok snø.

No hadde eg tenkt å kosa meg med pinnane, men veit ikkje om eg orkar for trur du ikkje eg har ilt i armane etter denne snøflyttinga

Kos deko i snøveret. Det gjer eg…..trur eg.

Siste snøfall…

Her står katten og hunden i den same stien som dei har trakka ned, men ver du sikker hunden går ikkje lenger i denna laussnøen.

 

No har gjerdet snøa heilt ned og. Så no må det no vera ca. 1 m. snø.

 

Her har hunden laga seg veg ned på hjørna på huset, for då kan han så og bjeffe på småfuglane.

 

 

 

Kjem det meir snø no så finn ikkje pappa bilen sin att, når han kjem heim frå lastebiltur til Polen. Pappa og mannen min reiste til Polen i går.

Her ligg det litt taksnø på nedsida av huset

Det er fint med snø, men når ein må måke kvar dag så er det ikkje så fint.

Selbuvottar

Endå eit par med vottar er ferdige. Desse er strikka i 3 tråda raumaull. På pinne 3 mm og 3,5 mm trur eg. Mønsteret er frå eit rauma hefte.

Eg synst det er litt vanskeleg med størrelsar på dei vottane eg strikkar. Dei fleste passar til meg, men så har eg små hender og då. Men eg ser jo det at dei vert kanskje litt små til andre damer. Så eg trur kanskje eg må opp eit halv nr i pinnar når eg strikkar mønsterstrikk slik som dette.

 

Her kjem endeleg eit lite bilde av nissekona eg vann hjå Trollkåno rett før jul. Og sidan eg henta ho på Voss sjølv så kom ho fram før jul. Nissekona sit i glaset ved strikkestolen min og passar på meg. Trur jammen ho likar seg her og

Vott nr.2 ….ferdig og godt nytt år.

Min variant av babyselbuvott.

I dag har eg kost meg med å prøve å lage mitt eige babyvotte mønster. Har teikna eit med heile blad og eit med opne blad. må sei meg ganske fornøgd. Har strikka ein, og så får kvelden vise om eg får strikka ein til.

Her ser de kjøkenbordet, papir , permar og data ut over…..kanskje eg lyt rydde før mannen kjem heim

Garn: Dale babyull

Pinner: 2,5 mm

Legg opp 40 masker og strikk 1 rett og 1 vrang, ca 6-8 cm. Strikk så ein pinne rett der du aukar 4 masker jamnt fordelt. Så startar du på mønsteret.

Viss nokon skulle finne på å strikke vottane så hadde det vore fint om de linkar tilbake til meg.

Selbuvotter

 

Selbuvotter igjen. Eg likar ikkje strikke sokkar for eg må ha to like, men selbuvottar er kjekt å strikke Eg må jo ha to like her og….så kva er då eigentleg problemet med å strikke to like sokkar? Ikkje veit eg.

Mønster: Gratis på nettet Her

Garn: Østlandsgarn

Pinner: 3 og 3,5 mm

Storleik: Dame

Julaftatradisjon.

 

Dompappane kosar i bjørka nedanfor huset, medan dei et solsikkefrø som dei hentar utnafor kjøkenglaset. Flott fuglar.

For ein herleg dag det var på julafta. Og i tradisjonenstru så vart det sett ut graut til nissen, vetlejulafta. Og på julafta må ein sjå om nissen har vore der og ete opp grauten.

Her er dei på veg ned i fjøsen til naboen for å sjå om nissen er der eller har vore der.

Jammen låg ikkje nissen der i år og, som så mange gonger tidlegare.

Ein god klem må og nissen ha.

 

Julafta feirde mannen og gutungane med svigers, medan eg var på jobb. Kjekkast dei fekk var desse varseldressane. Godt å ha når dei er ute om kveldane.

Her prøver svoger og minsteguten klokka som heng på fjøsen. Den høyrdes ut som ei kyrkjeklokke.

Her var eit lite innblikk i julafta her hjå oss.

Ha ei god romjul.

Tunika

No kan eg endeleg visa tunikaen eg har strikka i all hemmelegheit. For dette skulle verte ei gåve til jentungen. Her ligg den til tørk, medan jentungen var på skulen. Strikkinga har eg gjort på nattevakt eller etter at ho har lagt seg. Det gjekk det og, sjølv om eg har hatt eit par episodar der ho har kome ned trappa og i rein refleks har strikketøyet gått rett under bordet 

Mønster: Sandnes hefte nr?

Garn: Sandnes alpakka.

Pinnar: 3 og 3.5 mm

Her er det jobb att i morgon ettermiddag. Dette året har det vore mykje jobbing i jula.

Ha framleis ei fredfylt jul.

God Jul i stova.

No har endeleg juleroa senka seg i heimen. Nissen har fått graut….. og eg har pynta meg til eg skal på arbeid kl.15 Slik er det når ein jobbar i helsevesenet……

Så her sit eg og vil ynskja alle ei retteleg god jul.

Ein god klem i kulden frå meg

Julakuler….

Jammen vart det ikkje nokre julekuler på meg og. Sjølv om eg hadde tenkt at detta skulle ikkje eg bruka tid på. Men så kom boka i posten, for den hadde eg jo gløymt å avbestilla. Etter å ha bladd i den vart det henta pt2 og finull frå lageret. Så no har eg strikka 5 stykk. Og kanskje vert det fleire…….dei e no litt fine.

Har og henta fram litt julapynt. I fjord var eg på julemessa på Vinje, for å sjå trolla og nissane til Trollkåno. Mykje fint lagar ho, så det vart med ein del heim att. Noko vart julepresangar og andre ting vart buande her i huset. Kjekt å ta dei fram atte, for jammen kor fine dei er.

No har jula kome inn i huset.

Kos dykk i denne fine adventstida.